Interes reduci pa prestamo di auto

ORANJESTAD, Aruba – November 2015: Aruba Bank ta ofreciendo 7.50% di interes riba prestamonan pa compra di auto nobo durante di Car Extravanganza 2015. E “Car Sale Event” aki ta organisa pa e agencianan di auto Stern, Topcar y Ultimate Automobile y lo tuma luga diasabra awor dia 28 di november cuminsando for di 3:00pm pa 6:00pm na e showroom di Stern.

Aruba Bank lo ta presente na e ocasion aki cu su oferta di un periodo di financiamento te cu shete (7) aña, interes reduci na 7.50% (entre 7.62% y 7.68% efectivo) y “cumpra awo, paga despues” di tres luna.

Ta invita tur cliente y futuro cliente pa bishita Stern, scoge e auto di nan soño y yena nan peticion di biaha cerca un di e representantenan di Aruba Bank. Y asina habri aña 2016 cu bo auto nobo!

Scoge pa e miho prestamo y e miho servicio: Aruba Bank, celebrando 90 aña brindando servicio na comunidad di Aruba.