Maria College MAVO ta presenta programa pa spaar impresionante
Diabierna 20 di november Aruba Bank a presenta un bunita anochi final digno di elogio na Paseo Herencia Mall pa e scolnan participante den e conocido Good for the Neighborhood 2015 of #G4N1, cu a consisti di teamnan di Mon Plaisir College MAVO, Ibero American High School, Colegio Arubano, Colegio San Nicolas, Colegio San Antonio MAVO, Middag MAVO, Maria College MAVO, International School of Aruba, y Scol Practico pa Ofishi Santa Cruz.
Durante di un evento super anima a presenta e videonan cu consehonan valioso di parti di studiantenan di e competencia anual Good 4 the Neighborhood y a anuncia e teamnan ganado cu a presenta e miho video cu tipnan pa cu spaarmento.
Aruba Bank a entrega e checknan na e scolnan ganado; esta 5,000 florin na Scol Practico pa Ofishi Santa Cruz, 7,500 florin na Colegio San Antonio MAVO y e premio maximo di 10,000 florin a bay pa Maria College MAVO. E ganadonan a keda feliz cu nan premionan y a anuncia cu nan scolnan tin diferente plan pa inverti e fondonan.
Good4theNeighborhood ta sigui desaroya y evoluciona cu tempo y ta presenta retonan interesante y educativo cu un proceso creativo i na scolnan secundario di Aruba. Den pasado a reta e hobennan pa presenta gestonan den comunidad, pa nan scol y pa fundacionnan valioso. Pa e aña academico 2015/2016 a invita na pa crea un video cu ta refleha e importancia di spaarmento y con pa aplica diferente tips pa cu spaarmento.
Aruba Bank y e miembronan di hurado a keda sumamement inspira y impresiona pa e diferente videonan y programanan. Tur video ta riba e pagina di Facebook di Aruba Bank, www.facebook.com/arubabank .
Aruba Bank a regala tur team participante y nan fannan, incluyendo coleganan y docentenan di nan scolnan, famia y amigonan un anochi cu hopi bon ambiente y e tema “movies”. E entrada tabata bunita decora y a “roll out the red carpet” pa tur invitado.
Ademas tabatin un area pa VIP, un biaha mas a presenta un fabuloso photobooth cu “props” den estilo di un “Movie Night”, y a parti popcorn, hotdogs y refresco pa tur esunnan presente.
Aruba Bank ta gradici tur e scolnan y docentenan cu a apoya e proyecto y alavez ta felicita tur participante na #G4N2015!