Marca bo calender pa dia 6 di april

ORANJESTAD , April 2017 : Representantenan di Aruba Bank lo ta presente un biaha mas na Garage Centraal pa un otro fabuloso Auto Nights riba diahuebs, 6 di april.

Si e auto di bo sonjo ta un Isuzu of un Hyundai, pasa na Garage Centraal for di 6or di atardi pa 9’or di anochi y admira tur e vehiculonan di e marcanan aki actualmente obtenibel na Aruba.

Aruba Bank ta presenta pa Auto Nights cu su promocion “Buy Now, Pay Later”, esta “Cumpra Awo, Paga Despues” di tres luna, y por asisti e cliente den scoge e miho “match” pa su gusto y su presupuesto personal.

Pasa diahuebs na Garage Centraal, probecha di e orario special hopi conviniente, y scoge bo auto nobo.

Representantenan di Aruba Bank ta cla pa asisti bo.