Futbolistanan di RCA ta cla pa estrena nan uniform nobo

ORANJESTAD, Aruba – December 2015: Aruba Bank un biaha mas ta confirma y demostra su apoyo na deporte, renobando su compromiso firme cu e club campeon “tricolor”, esta RCA. Diabierna, dia 4 di december, Aruba Bank y RCA a celebra bautismo y entrega di uniformnan nobo pa e ekiponan di futbol den diferente division na nan veld na Solito.

Ta un placer pa Aruba Bank por contribui na e ekipo di Lifida B y diabierna a participa cu hopi orguyo na e evento organisa pa un di e clubnan di futbol mas grandi di Aruba.

Cada aporte cu Aruba Bank ta brinda na e muchanan y hubentud di Aruba ta un inversion den futuro di nos pais. Eventonan manera Good4theNeighborhood ta hopi popular y ta capta atencion di henter nos comunidad, pero e sponsorship di Aruba Bank ta bay mas leu. E ta refleha den proyectonan mas chikito tambe, unda cu ta haci un diferencia sea riba nivel individual, como riba nivel di ekipo, manera ta e caso cu RCA.

Ta un honor semper pa gerencia y personal di Aruba Bank experencia e empeño y esfuerso di nos hobennan, e momento cu nan ta den entrenamento, ora nan participa na un desfile of ta subi veld durante campeonato y torneonan.

“Nos ta desea tur ekipo, pero particularmente e ekipo di RCA hopi exito durante di e temporada nobo nos dilanti.