Rotonde Hato a keda spectacular

E colaboracion entre Aruba Bank y Ceque College a resulta den un rotonde sumamente bunita cu ta refleha e alegria y ambiente di celebracion di e dianan di fiesta di Fin di Aña. E rotonde a wordo inaugura riba diahuebs cu musica di Katateeners y presencia di miembronan di gerencia y personal di Aruba Bank, e team di Bo Bario y e hobennan y docentenan di Ceque College cu a ehecuta e trabao. Un Pasco Clasico tabata e vision cu ta keda refleha den e diseño di e rotonde di Hato, cu balanan di Pasco, kerstboomnan moderno y decoracionnan den e colornan cora, berde y oro, cu 2 shoco cual ta forma parti di e logo di Ceque College cu ta significa sabiduria. Habitantenan di Hato cu a yega cerca pa presencia e cendemento di luz a keda sumamente contento cu e bunita diseño. Aruba Bank ta gradici Ceque College pa nan colaboracion, esfuersonan y creatividad.