ORANJESTAD – Aruba, 21 di Augustus 2017: Aruba Bank un biaha mas ta stimula studiantenan pa participa den competencia di cushinamento. Abo ta cla pe Aruba Bank Student Chef Challenge 2017? Aruba Bank ta haci un yamada na studiantenan di EPI cu tin e ambicion di formalisa un carera den e industria di hospitalidad y/of negoshi di restaurant.

Studiantenan di EPI tin oportunidad pa participa den e evento unico di cushinamento. Forma parti di Aruba Bank Student Chef Challenge y lo bo competi dia 12 di October, 2017. Si abo kier participa e stapnan ta masha facil mes.

Loke cu bo mester haci ta manda un carta di motivacion prome cu dia 7 di September 2017 na studentchefchallenge@arubabank.com. Despues cu tur carta keda manda, e team dinamico di Aruba Bank lo scoge 5 studiante pa competi den e reto aki. Lo anuncia e participantenan dia 14 di September 2017. E puntonan cu mester ta den e carta ta un samenvatting/resumen personal, motivacion pa bira un chef y kico ta inspira bo pa participa den e competencia.