E gran evento di coremento y canamento di cuater dia

Oranjestad, Dialuna 10 di April 2017: Aruba Bank ta anuncia e fechanan pa e evento anual y popular di cuater dia, Aruba Bank Walk+Run 2017.

Esaki ta e evento mas popular di coremento y canamento di aña, y henter Aruba ansiosamente ta anticipa e fechanan pa por pone esakinan den nan agenda y cuminsa prepara nan mes pa participa of competi tur cuater dia. E Aruba Bank Walk+Run 2017 lo tuma luga riba dianan dialuna 29 di Mei, diamars 30 di Mei, diaranson 31 di Mei y ta conclui diahuebs 1 di Juni. Ta informa tur persona interesa pa participa pa keda pendiente pa mas informacion tocante e rutanan y mas detayes di inscripcion, premionan y tips durante e prome siman di Mei 2017. Corda nota e fechanan di e Walk+Run 2017, dia 29, 30, 31 di Mei y 1 di Juni, den bo calender y corda “Like” y “Follow” Aruba Bank ariba Facebook pa bo keda altanto di tur informacion.