Colegio San Antonio, Maria College, Ibero American High School y Filomena College den Competencia Fuerte

ORANJESTAD, NOVEMBER 24, 2016: Durante di un periodo di 5 siman studiantenan di Colegio San Antonio, Maria College, Ibero American High School y Filomena College, a participa na e projecto di Aruba Bank Good4theNeighborhood y a traha sumamente duro pa completa nan projecto. Dilanti un panel di cinco hurado, e studiantenan a hasi nan presentacion na Aruba Bank Camacuri caminda cu por a conta cu e presencia di e studiantenan y maestronan cu a prepara pa hasi nan presentation di na projecto di Good4theNeighborhood – Sport edition 2016.

E parti di ehecucion ta tras di lomba y awor nan a haya oportunidad pa elabora riba nan projecto na e huradonan. Prome cu e projecto a cuminsa e studiantenan a wordo notifica di e aspectonan cu e hurado lo huzga nan ariba dje pa asina nan tene esaki na cuenta durante nan trajecto. E panel di hurado a consisti di Seever Krosendijk di 297 Sports, Sue- Ann Leong di Ibisa y Suzette Bareño,  Inoira Maduro y Marleen van der Borgt di Aruba Bank.

E presentacionan di e studiantenan tabata impresionante unda un bes mas nan creatividad a sobresali. Un pabien na Colegio San Antonio, Maria College, Ibero American High School y Filomena College pa nan perseverancia y entusiasmo pa participa na e actividad aki p ayuda nos comunidad. Diadomingo 4 di december Aruba Bank lo anuncia e ganador durante e evento final di Good4theNeighborhood.