ORANJESTAD, Aruba – 27 di september 2016: TEDx Aruba 2016 a tuma luga den un Cas di Cultura “sold out” diabierna dia 23 di september, unda cu oradornan a comparti nan inspiracion riba preguntanan cuminsando cu “What if…”. E oradornan a cubri topiconan manera comunidad, enseñansa, tecnologia y cultura, basa riba un “Kico si…”, un pregunta cu ta reta y provoca e status quo.

Aruba Bank tabata e sponsor orguyoso di e “Innovation Zone”. E area aki den Cas di Cultura tabata un “showcase” pa e ultimo trendnan y innovacion den tecnologia, disponibel pa participantenan explora durante di henter e dia.

Pa Aruba Bank tabata un berdadero placer y ta cu hopi satisfaccion cu a contribui na e evento aki, cu oradornan local y internacional cu un pasion grandi pa loke nan ta haci, nan experiencianan y loke nan ta kere aden.