ORANJESTAD, Aruba – November 2015: Ayera dia 27 di november Aruba Trade and Industry Association (ATIA) a presenta su Corporate Event anual cu e aña aki a enfoca riba e tema “Labor Market Flexibility”. Como orador principal organisadonan ta conta cu Ronnie Goldberg, kende ta Vice-presidente Regional den e hunta directiva di Organisacion Internacional di Dunadonan di Trabou (ILO).

Gina Habibe, Miembro di Directiva di ATIA y Directora Ejecutivo di Aruba Bank, a bisa cu ta un honor pa ta e sponsor principal di e evento aki un biaha mas y a agradeci ATIA pa e oportunid aki. E objetivo principa di e evento aki tawata pa trese e comunidad comercial di Aruba hunto den un ambiente placentero y presenta un topico relevante pa e mundo di comercio.

“Durante 90 aña Aruba Bank a duna sostén na e economía di Aruba. Esaki ta bin cu gran responsabilidad y un compromiso firme pa segura e confiansa, integridad, stabilidad y innovación. Nos posición como Aruba Bank no solamente a laga nos contribui na e desaroyo económico di Aruba, pero tambe e desaroyo social di e país durarante e ultimo 90 aña, como tambe sosteniendo nos cultura y historia” Gina ta menciona. E evento tawata un hopi exitoso y Aruba Bank ta sumamente orgulloso di por a forma parti di esaki