Den preparacion pa “Abu Dhabi Special Olympics 2019”

ORANJESTAD, Aruba – 30 di Mei 2018: Aruba Bank su invitadonan VIP den e Walk & Run 2018,  Special Olympics, ta preparando pa participa den e “Abu Dhabi Special Oympics 2019”.  Cu nan T-shirt y BIB designa nan ta den full training pa cumpli cu un di e rekisitonan di e Abu Dhabi Special Oympics 2019 cu ta pa ta den un bon nivel fisico.

Un total di cien y setenta (170) pais lo competi den e evento na 2019. Ta conoci cu e atletanan di Aruba semper ta trece medaya di oro pa nos isla. E ekipo di Aruba lo participa den diferente disciplina di deporte incluyendo: pingpong, bowling, landamento, atletismo y bolas criollas. Pa e atletanan, e experiencia aki ta hopi special.

Special Olympics Aruba ta conta principalmente cu sosten di e comunidad di Aruba a logra nan meta di biaha pa exterior y representa nos  isla cu gran orguyo. Aruba Bank ta orguyoso di por a sostene Special Olympics Aruba cu nan T-shirt y participacion na e caminata den preparacion pa e Abu Dhabi Special Olympics 2019.

Comunidad henter pa aporta pa yuda di un manera of otro pa haci e soño di e atletanan special aki participa y representa nos pais  na Abu Dhabi na 2019! Por tuma contact cu SOA (Special Olympics of Aruba) directamente na 522-7842.