Después di un extenso mercadeo cu Aruba Airlines a hasi, a disidi di inaugura e ruta di Riohacha, Colombia ariba 23 Augustus 2019.

E vuelo nan aki lo ta 3 vez pa siman ariba diaranson, diabierna y diadomingo saliendo for di Aruba 10 or di mainta ora lokaal y ta jegando Riohacha 09:45 AM ora di Colombia, esaki tin oportunidad tambe pa por conecta for di Korsow ariba e vuelo di 08:35 pa tuma e vuelo di Aruba pa Riohacha.

Riohacha ta un punto di conección atractivo cu ta brinda e posibilidad nan pa conecta cu otro ciudad nan den Colombia mes.

E destinashon Riohacha lo ser opera door di e avión tipo CRJ-200 Jet cu un capacidad di 50 pasajero.

Alaves debi na tantísimo petishon,  Aruba Airlines lo bai bula 4 vuelo den herfstvakantie na luna di Oktober pa Miami, Florida cu conección tambe for di Korsow pa Miami, cu preclearing na Aruba.   

E fecha nan pa Miami lo bai ta : 03 Oktober – 06 Oktober – 10 Oktober y 13 Oktober 2019.

E horario pa e vuelo di Aruba pa Miami lo ta den ora nan di mainta 11:15 y ta regresa for di Miami pa Aruba den ora nan di atardi 15:45, e conección for di Korsow lo ta 08:35 y conecta cu e vuelo pa Miami y mesun cos parti atardi e regreso lo continua cu nos vuelo parti atardi pa regresa Korsow.

Ariba e vuelo nan aki lo bai ofrece 2 maleta gratis di 23 kg pa persona y 1 carry on di 8 kg pa persona.

Esaki lo wordu opera door di e avión tipo Airbus A-320 cu un capacidad di 12 Business Class y 138 economy class.

Pa mas informashon por comunica libremente cu oficina di Aruba Airlines na  +297-5838300 di 08:00 AM – 5:00 PM of tambe por bishita bo agencia di viaje preferí, como tambe e website www.arubaairlines.com.