Como un forma pa yama pueblo “Danki” pa e sosten henter aña Tur cu cumpra pasashi tin chens pa gana un pasashi regalo!

ORANJESTAD, Aruba -November 2015: Siendo e aerolinea cu mas a crece den aña 2015, no solamente den rutanan nobo, pero den cantidad di pasahero, pero tambe den cantidad di empleadonan, Aruba Airlines ta convenci cu no tin un miho forma pa yama “danki” cu un evento na nan oficina principal situa unda antes tabata Codemsa na Cumana. Diabierna awor e aerolinea tin un “Shopping Night” den cual lo ofrece pasashinan na un prijs hopi special!

Pa solamente un anochi, diabierna dia 20 di november, cuminsando for di 8:00pm te cu 10:00pm, Aruba Airlines lo ofrece no menos di 15% di descuento riba TUR pasashi pa TUR destinacion.

Na final di e evento, Aruba Airlines lo rifa un pasashi pa cualkier di nan destinacionnan entre tur cliente cu a cumpra un pasashi durante di nan Shopping Night. E ganado mester ta presente pa ricibi su premio, cu den e caso aki lo ta un pasashi mas!

A funda Aruba Airlines dia 31 di januari 2006 pero a realisa su prome vuelo dia 31 di mei 2013. E compania Arubiano tin su oficina principal situa na Cumana 69 aki na Aruba pero cu oficinanan di representacion na Panama, Miami, Venezuela y awor na Corsou y Santo Domingo tambe. Aruba Airlines tin un total di 300 empleado staciona na tur nan oficinanan den tur nan mercadonan. Na Aruba so tin 139 empleado den servicio directo.

E ultimo semester aki tabata crucial pa Aruba Airlines, den cual a tuma decisionnan strategico den consolidacion di nan operacionnan, den cual ta cubri mas destinacion, lo trece un avion adicional pa bula rutanan nobo manera Corsou y Santo Domingo.

Aruba Airlines ta bula cu avionnan nobo y moderno, Airbus A 320-200 cu un capacidad di 150 pasahero, parti den 12 pasahero Business Class y 138 den Economy Class. Aruba Airlines ta bula tur dia pa Miami na Merca, pa Maracaibo y Valencia na Venezuela, sin lubida 4 vuelo pa siman pa Panama, 3 biaha pa siman pa Corsou y tres biaha pa siman pa Santo Domingo.