Marshe di Trabou na McDonald’s “Salinja 2” Djasabra dia 26 di Yanüari

• Arcos Dorados, e frankisia independiente di mas grandi na mundu di McDonald’s, ta re-afirma su kompromiso pa krea kuponan di trabou i duna guia, meskos tambe desaroyo di un karera pa hóbennan na Kòrsou.

• Dia 26 di yanüari, e kompania lo tin un Job Fair (marshe di trabou) na McDonald’s “Saliña 2” na unda lo tuma aplikashonnan nobo entre 10’or di mainta i 2’or di mèrdia.

• Arcos Latinoamérika i Caribe, McDonald’s ta planiá pa krea 55.000 kupo di trabou. E kompania ta konosí pa ofresé oportunidat di trabou na hóbennan sin ku ta rekerí eksperiensia previo.

Willemstad, 24 di Yanüari, 2019. Arcos Dorados, e frankisia independiente di McDonald’s mas grandi na mundu, ta re-afirma su kompromiso pa krea kuponan di trabou i duna entrenamentu, meskos tambe guia pa un karera den merkado laboral di hóbennan na Kòrsou. E kompania ta posishoná komo katalisadó pa kambio i ta planiá pa proveé mas di 126 kupo di trabou fiho den 2019; kreando oportunidat pa hóbennan drenta merkado laboral i duna nan entrenamentu i guia pa nan avansá den nan karera.

“Nos ta orguyoso pa keda rekonosé komo un di e kompanianan ku ta generá mas oportunidat di trabou pa hóbennan, den henter Latinoamérika i Caribe. Nos ta konfia nos empresa den na man, for di e garantia di nos standartenan di kalidat te na ofresé un eksperensia ekstraordinario na miónes di kliente ku nos ta sirbi den nos kontinente tur dia”, esaki di akuerdo kuJennifer Poulina, Lider di Merkado pa McDonald’s Kòrsou.

Na 2018, Arcos Dorados a krea 129 kupo di trabou fiho pa hóbennan na Kòrsou, dunando nan akseso na oportunidatnan di aprendisahe i desaroyá nan habilidatnan den un operashon eksigente, ku ta yuda nan haña eksperiensia pa nan futuro komo profeshonal.

E oportunidat pa kuminsa na McDonald’s

Pa kuminsá na McDonald’s, ta únikamente rekerí pa bo tin 18 aña i ku bo ta dispuesto pa siña i bira un bon team-player. No tin mester di eksperensia previo, e kompania ta ofresé un skedjùl fleksibel pa akomodá e skema akadémiko di e aplikante. Si bo ke sá mas tokante di un karera na McDonald’s, bishitá e marshe di trabou ku lo tin próksimamente na “Salinja 2”, djasabra dia 26 di yanüari for di 10’or di mainta pa 2’or di mèrdia.

“Nos lo ta orguyoso di yama hóbennan di Kòrsou bon bini- no tin mester di eksperensia di trabou. Nos lo sigurá ku nan ta siña ku nos loke nan tin mester pa nan kresementu profeshonal”, asina Jennifer Poulina a kontinuá bisando. 

Arcos Dorados ta sostené organisashonnan non-profit ku ta yuda hóbennan haña akseso na entrenamentu den trabou pa drenta merkado laboral. Na Kòrsou, e kompania tin un laso di koperashon ku Funditut (Stichting Jeugdcentrale Curaçao); un NGO ku ta enfoká riba duna e hóbennan un chèns pa bira un profeshonal dor di ofresé aktividatnan di aprendisahe ku ta práktiko i dirigí riba loke e hóben tin mester pa desaroyá su talento i habilidatnan.

“Na Arcos Dorados  nos ta kontribuí ku desaroyo di nos komunidat dor di atendé un di e desafionan mas grandi den nos region, ku ta trabou pa hóbennan. Ku nos programanan, nos ta asumí e responsabilidat pa aktivamente  kolaborá pa redusí e bareranan ku ta stroba e hóben di haña nan promé trabou”, di akuerdo kuJennifer Poulina.

Sifranan den Latinoamérika

Awendia, ta eksistí un desempleo di 14% den Latinoamérika i tin mas di 23 mion di hóben ku no ta studia òf traha. Adishonalmente, ora ku e hóben sali enbuska di un trabou nan ta konfrontá diferente opstákulo: nan tin mester di eksperensia, falta di oportunidat, falta di konfiansa propio den nan habilidatnan i un transishon masha difísil saliendo for di skol pa drenta un ambiente laboral.

Den e konteksto aki, Arcos Dorados ta komprometé pa aktivamente kolaborá pa redusí e bareranan ku por wòrdu hañá den un promé trabou. Ta pesei na 2019 e  kompania ta planiá pa proveé mas di 55,000 kupo di trabou den Latinoamérika i Caribe- 4,500 persona lo drenta merkado laboral den 1 luna ku ta nifiká un average di 140 pa dia- oumentando e forsa laboral signifikantemente ku 8%  kompará ku 2018.