Willemstad, Mei 15, 2015 – Arcos Dorados, kual ta operá mas ku 2.000 restorant di McDonald’s den Latino Amérika I Karibe, a anunsiá awe ku e la keda nombra komo e di sinku mihó lugá pa traha pe den Latino Amérika. E nombramentu di e aña aki dor di ‘Great Place to Work Institute’, a buta Arcos Dorados den e tòp 5 huntu ku otro kompanianan multinashonal operando den e region pa e di dos aña konsekutivo. E instituto aki ta selektá kompanianan ku ta resaltá riba tur otro pasombra nan ta krea un ambiente konsistente ku hopi konfiansa kubriendo fronteranan nashonal.

“Arcos Dorados ta hopi eksitá pa atrobe a keda selektá komo un di e tòp 5 mihó lugá pa traha den Latino Amérika. Esaki ta un honor ku nos ta kompartí ku tur nos empleado ku ta traha na nos restorantnan di McDonald’s aki na Kòrsou i ku ta lucha pa proveé e mihó eksperensha pa nos klientela”, asina Jennifer Poulina, Operations Supervisor di Arcos Dorados Kòrsou a bisa.

Promé biaha ku McDonald’s a subi lista di ‘Great Place to Work’ pa Latino Amérika tabata den 1997. E resultado di e aña aki ta basa riba inspekshon di mas ku 1.25 mion empleado den e region.