Celebrando Aruba su Himno y Bandera
ORANJESTAD – Aquarius Restaurant no tin mester di niun introduccion, e restaurant ta conta cu un clientela grandisimo y ta popular pa e variacion amplio cu nan ta ofrece. Specialmente pa dia 18 di maart, dia riba cual Aruba ta celebra su Himno y Bandera, Aquarius Restaurant a prepara un buffet cu tur delicia Arubano. ‘Taste Of Aruba’ lo ofrece e bishitante un Lunch Buffet y un Dinner Buffet.
‘Taste Of Aruba’
Pa diaranson dia 18 di maart benidero por spera e.o platonan manera keshi yena, carco tempera, pisca tempera, sopi di oester, carni stoba, un dushi aros con pollo, pan bati y mucho mas den ‘Taste Of Aruba’. Tambe lo tin diferente ‘action station’ na unda cu lo prepara jonnie cake, arubian style mescos cu tambe lo tin ‘juice station’ na unda lo por haya e.o un juice di lamunchi refrescante of un juice di tamarein! Algo zoet? Tin, quesillo, bolo di pruim, bolo di cashupete, bolo di ponche crema y coco, tres leches y mucho mas!
E ‘all you can eat’ ‘Taste Of Aruba’ Lunch Buffetta costa unicamente $30 pa persona, mientras cu eDinnerBuffet ta costa unicamente $41.50 pa persona. *Excluyendo service charge. Muchanan entre 5 y 12 aña ta come pa mitardi prijs.Ta recomenda pa haci un reservacion yamando 523-6156. Aquarius Restaurantta desea henter pueblo di Aruba un feliz dia di Himno y Bandera!