…Dia 18 di maart proximo…

ORANJESTAD – Aruba ta pendiente pa su celebracion di Himno y Bandera, naturalmente tur hende lo sali cas pa bishita diferente actividad y haci e dia uno magno den tur sentido. Buscando un caminda pa sali come cu henter famia? No busca mas! Diaranson awor dia 18 di maart Aquarius Restaurant situa den Renaissance Mall ta pone spotlight riba su brunch, brindando tur cliente e oportunidad pa probecha di platonan exkisito na un preis special di $32.00 pa persona (exclusivo service charge). Manera ta e caso di tur aña, Aquarius a prepara un menu cu un toque crioyo p’asina por celebra e dia di Himno y Bandera. Tin algo pa tur hende; e menu ta consisti di sopi di oester, pan bati, funchi hasa, pisca, carni stoba, Wahoo di grill cu green pepper sauce, pork milanese cu mushroom, keshi yena, ocra hasa y un seleccion amplio di cosnan di boca dushi pa duna toke final na e experiencia culinario. Ta importante pa haci reservacion trempan; lo cuminsa cu ‘seating’ for di 12’or di merdia te cu 2:00pm. Ta bon pa menciona cu muchanan entre 5 y 12 aña ta come pa mitar di preis. Aquarius Restaurant su popular salad bar tambe lo ta bon surti pa satisface tur esunnan cu ta amante di salada. Reservacion pa e brunch por wordo haci yamando 523-6156. Sali cas y disfruta di Aruba celebracion nacional. Dia 18 di maart proximo celebra dia di Himno y Bandera cu henter famia disfrutando di un dushi plato na Aquarius Restaurant. Pa mas informacion por bishita e pagina di Facebook di Aquarius Restaurant.