Ta parse manera kos ku tin un tendensia nobo kaminda negoshantenan inovador ke pone Kòrsou riba mapa mundial. E bida nokturno ta birando mas internashonal i pa e motibu aki ta haña mas glamour. Ta habri mas i mas diskotèk nan nobo ku por hasi mas riba nivel mundial. Pa e motibu aki nos isla ta sera konosí ku tendensha nan nobo riba nivel den area di media i teknika nan di show.

Un bon ehempel di un diskotèk kaminda ta hasi uzo di teknika nan riba un nivel haltu ta BED. Awe nochi BED ta habri su porta nan na un manera espektakular, presentado un teknologia yama 3D mapping. E teknologia aki lo wordu implementa riba un muraya speshal yama 360 degree panoramic visual wall. Aki ta uza efektonan visual di 15K. Esaki ta kasi 4 bes mas grandi ku e teknologia yama Ultra HD 4K. Pa por realisa e show aki ta bai hasi uzo di 15 beamer ku lo traha pa forma un totalidat.

Un tipo di muraya visual asina aki ta poko komun na mundu i hopi uniko pa nos region Kòrsou en partikular. Caribbean Legacy a soru pa e show di aperture aki. ‘e tipo di trabou nan aki ta super dushi pa hasi! Nos a hasi tur kos posibel pa e show aki ta sensashonaal’ segun Yuri Kneppers di Caribbean Legacy. ‘Nos ta hasi 3D mapping regular pa nos klientenan, pero loke ta posibel den e diskotek aki ta inkreibel’

For di 11or di anochi tur hende ta bon bini pa eksperensha e show aki den BED. Despues di e apretura Caribbean Legacy lo sigui traha efektonan visual tur luna pa e diskotèk.

Apertura di BED: Djabièrnè 11 di Sèptèmber pa 11or di anochi na Kaminda Saliña 129