Fundashon Karnaval Banda Bou i Team di Transishon kier a deseá pueblo di Kòrsou un Felis Aña 2020 yena ku bendishon i prosperidat.

I pa e temporada di Karnaval 2020 nan kier a invitá pueblo di Banda Bou i di Kòrsou engeneral pa asistí na Apertura Ofisial di Karnaval Banda Bou ku lo tuma lugá djadumingu 12 yanüari próksimo.

Esaki lo ta na Playa Kenepa Grandi, for di 12’or di mèrdia te ku 7’or anochi. Lo tin palabranan di Bon Bini i informashon for di direktiva i Team di Transishon. Oportunidat pa sera konosí ku e partisipantenan na Elekshon Adulto Karnaval Kòrsou 2020 pa dia 25 yanüari na WTC. Lo bai tin Bendementu di kuminda, kosnan di boka dushi, diferente weganan manera weganan di Dominó i Bon Kuné.

Dimes e ambiente musikal no ta keda atras i lo ta na enkargo di Grupo ORIRI i Excellence Band. Ku lo trese e ambiente kultural karnavalesko pa tur presente. Si bo tin bo boto tambe bo ta bon bini pa trese ambiente riba laman.

Nos ta spera boso pa asina hasi apertura ofisial di e temporada di Karnaval na Banda Bou pa 2020.