Djadumingu 1 di yüni mainta a yega Kòrsou un delegashon for di Sürnam ku lo duna tayer di mara lensu Sürnam (Angisa) entre 2 i 8 di yüni próksimo na diferente skol di fundeshi pero tambe durante tayernan na interesadonan ku a inskribí p’esaki. E interkambio kultural aki ta un inisiativa di e organisashon Sürnam Naks, Organisatie voor  Gemeenschapswerk. Naks a logra hasi e proyekto aki realidat ku sosten di Insel Air, Surindo RestaUrant, JPF i Kas di Kultura. Anochi e delegashon por a disfrutá di un enkuentro di Bonbiní organisá pa e komishon Curasur speshalmente instalá pa organisá e interkambio kultural aki. E delegashon di Sürnam a haña un bonbiní impreshonante di un grupo di kachulero i disfrutá di un bunita presentashon grupo di baile Memoria di Kòrsou. Tambe a hiba palabra, Sra. Cenaida van Dinter di komishon Curasur i sr. Gilbert Bacilio, direktor di Kas di Kultura. Na final di anochi tur presente por a disfrutá di un dushi plato di kuminda.