… Renaissance Curaçao Mall & Rif Fort i Carnaval Casino ta invitábo…

WILLEMSTAD – Ya ta asina leu ku ta klá pa sera un otro aña. Pa algun aña kaba e kampaña di fin di aña ku ta hala mas tantu atenshon ta esun di Renaissance Curaçao Mall & Rif Fort i Carnaval Casino, “Island Xtravaganza”. Aki ta na unda ku dor di shòp, akumulá punto den casino i depositá e kupònan risibí- e kliente tin chèns di gana premionan fantástiko! Djabièrnè dia 21 di novèmber próksimo pueblo di Kòrsou ta invitá pa apertura di “Island Xtravaganza” Entre 5:30 di atardi i 7’or di anochi lo tin presentashon di Ephrem J huntu ku Gilmar Fraites, siguí pa e sendementu di lusnan navideño na Renaissance Curacao Mall & Rif Fort. E ‘Christmas Lighting Ceremony’ lo duna apertura na e temporada di fin di aña tambe, aki ta na unda ku públiko por disfrutá di e dekorashon navideño ku tur aña di nobo Renaissance ta pèrkurá pe. Pa aproksimadamente 7’or lo duna inisio na un show di moda, na unda lo desfilá lo último den fashion pa e dianan di fiesta benidero. Riba e djabièrnè di apertura pa “Island Xtravaganza” tur establesimentu lo ta habrí te ku 9’or di anochi. For di e dia aki ya kaba tur kliente ta risibí kupòn na kada kompra di 25 florin òf pa kada 25 punto akumulá riba bo karchi di miembresia di Carnaval Casino mas p’asina partisipá den e sorteo final di “Island Xtravaganza” ku lo tuma lugar dia 27 di desèmber próksimo. Un i tur ku bishitá Renaissance Mall & Rif Fort i Casino pa shòp, relahá òf purba e suerte lo tin oportunidat di forma parti di e kampaña aki ku chèns di gana premionan fabuloso. **Keda pendiente pa mas informashon di e kampaña ‘Island Xtravaganza’.