Un konsepto nobo pa kòfi, desayuno, lunch, brùnch, bolo i mas

WILLEMSTAD:  Djabièrnè último, despues di algun siman di prueba, BEANS a habri su portanan den Pietermaai. Propietarionan, Danny Willems i Igmar Comenencia a kumpli ku nan meta di tin nan propio  ‘coffee bar’.  A kombiná e pashon pa kòfi di Danny ku e amor inkondishonal di Igmar pa ‘boka dushi’, i krea e fusion perfekto. BEANS ta un ‘high end coffee bar’ situá den e distrikto históriko di Pietermaai. Tur dos kabayero, ta traha ku pashon pa sirbi e mihó kòfi, té i bolo – pero ta amplia e horizonte dor di ofresé un variashon di slow juices, breakfast bowls, poké bowls, sèntwich, pastechi i hasta serbes i biña. 

Un fusion entre tendensia internashonal i produkto lokal

Loke ta distinguí BEANS for di tur otro, ta e manera kon a krea un konekshon entre tendensianan internashonal i produktonan lokal. Un ehèmpel di esaki ta, e iced-tea trahá ku ingrediente i yerbanan lokal, manera yerba di hole, orégano i lamungras. Tambe, lo varia e menú kontinuamente- loke semper e kliente por spera ta variedat i opshonnan ku ta inkluí piska, karni i vegetal. Di akuerdo ku Danny Willems, nan ta masha orguyoso di nan poké bowls i ta sigur ku esaki lo ta un BEANS ‘best seller’. E ‘bowl’ aki ta e último tendensia internashonal ekstraí for di kushina Hawaiiano.  E ta konsistí di un salada di piská fresku i ta riku na vegetal- nan ta masha kolorido i saludabel. “Ta esensial pa ofresé opshonnan di lunch mas saludabel. Nos ta kontentu di tuma nota ku nos komunidat ta mas konsiente di nan salú i nutrishon. Den esaki nos ta sinti ku BEANS por duna un kontribushon.”  Klaro tur hende gusta algu zut, no por lubidá riba e variashon grandi di bolo i boka dushi ku BEANS lo ofresé.  Sinta kome paden òf riba e terasa. Tur loke tin riba e menú ta optenibel pa take-out tambe.  BEANS ta habrí di djaluna pa djasabra

for di 7:30 di mainta pa 4:30 di atardi.

Pietermaai ta vibrante!

Mas aleu e propietarionan di BEANS a komentá di e café ku ta situá den un edifisio históriko na Pietermaai, ademas ta reflekshoná riba e desaroyo di e distrikto aki tambe. “Kòrsou tin su desafionan ekonómiko, pero nos ta masha optimista. Nos ta kere den e potensial di BEANS i ta sigur di por aportá na trese un variashon na e konseptonan ya eksistente ku tin den Pietermaai”. Danny Willems, distribuidor di e kòfi QBlend na Kòrsou i Igmar Comenencia, propietario di Kuki Monster ta masha entusiasmá ku apertura di BEANS i komo empresarionan hóben tin hopi espektativa i ta konvensí ku turismo i horeca ta un sektor ku hopi potensial i ku e lo bai krese próksimamente mas ainda.