ORANJESTAD , Aruba 12 januari 2016 : Aruba Bank ta anuncia cu tur su sucursalnan ta cera mas tempran riba diamars, dia 19 di januari, 2016, en conexion cu un actividad di banco. Tur sucursal di Aruba Bank lo aplica e orario adapta y lo ta habri for di 8’or di mainta te cu 3’or di atardi (8:00am – 3:00pm). E “call center” di Aruba Bank tambe lo cera pa 3’or di atardi. Tur sucursal ta habri bek segun e orario regular riba diaranson, dia 20 di januari, 2016.

Sucursalnan di Aruba Bank ta situa na Camacuri, na Hato, y na San Nicolas. E sucursal di Caya Betico Croes (Caya Grandi) ta cera pa renobacion y lo habri bek pronto como “Aruba Bank Mainstreet Express”.

Gerencia di Aruba Bank ta pidi clientenan pa tene cuenta cu e orario adapta y ta gradici tur cliente pa nan comprension.