Diabierna awo dia 6 di November Na Biblioteca Nacional Aruba

ORANJESTAD, Aruba – 2 di november 2015: Universidad di Curacao, Dr. Moises da Costa Gomez (UoC) den cooperacion cu Departamento di Enseñansa Aruba ta invita tur futuro studiante, mayornan y tur interesado na un anochi di informacion cu lo tuma luga diabierna awo dia 6 di november na Biblioteca Nacional Aruba na Oranjestad. Durante e anochi aki e representantenan di University of Curacao (UoC) lo duna informacion tocante e diferente estudionan cu UoC ta  ofrece, e proceso di registracion y inscripcion, servicionan pa studiante, campus y gastonan pa estudio. Tambe lo duna informacion tocante e proceso di inmigracion y con pa aplica pa esaki. E anochi di informacion lo tuma luga diabierna dia 6 di november proximo cuminsando for di 7:00pm na Biblioteca Nacional Aruba.