“Magia ku Magia a topa otro…”

WILLEMSTAD/  Mientrastantu ICONS a sigui produsí i a bin ta saka e kansionnan un tras di otro, pendiente pa un produkshon kompletu ku pronto lo keda lansá. Ku dos tremendo kansion –I’m Moving On i For Real-zonando simultaniamente na radioemisoranan lokal, e fin di siman aki ta habri ku otro estreno. Algun siman atras a antisipá e grabashon di Jeon ku ICONS i tambe e kolaborashon huntu ku Dju Dju V. Ámbos kantante ta hopi stimá pa nan fanátikonan. Despues di “For Real”, e bes aki ICONS ta lansa “Amor Real”. E kansion ta papia di un amor sin límite, unu ku ta surpasá opstákulo i ku no ta refleho di e sosiedat di awendia. “Amor Real”, ta un komposishon di Jonathan Thiel i Djuric Virginie, areglá pa CaTiPa. E videoclip ku a wòrdu grabá na Aruba, ya ta riba YouTube!

Ta invitá fanátiko- i siguidónan pa suskribí na e kanal di ICONS i Decoded riba YouTube. Follow i Like Facebook/Instagram/SnapChat: Icons Curaçao /  Decodedofficial. Di e manera aki bo ta ‘show love’ na ICONS. E piesa por wòrdu skuchá na tur radio emisora lokal, i por stream “Amor Real”  riba iTunes/ Spotify/ Tidal/ Apple Music.