WILLEMSTAD — Direktiva di Amak  kier manda palabranan di elogio pa Parlamentu di Aruba, ku den un forma unánime a aseptá un moshon di parlamentario Jeffrey Kelly, pa mas pronto posibel pasa e lei pa protehá artistanan Arubano riba e pais Aruba. Pa kasualidat nos tabata na Aruba, pa personalmente, nos por a tuma nota, di e forma positivo ku Minister, Parlamento,i representante di músikonan, a reakshoná den prensa. Durante último añanan Direktiva di Amak , riba petishon, tabata hopi envolví de kòmbersashonnan ku mandatarionan Arubano i representantenan di Amaa i Músika,  riba vários aspekto, pa lokual ta trata trafikashon di artistanan entre Aruba i Kòrsou, ku a kondusí na firmamentu di un protokòl entre e dos paisnan. Di parti Kòrsou, e tempu ey, Amak a risibí tur sosten, di e eks minister di hustisia, drs Elmer Wilsoe, pa por a pone un fin na e trato desigual di trafikashon di artistanan entre Aruba i Kòrsou. Aktualmente , Amak ta  den deliberashon kontinuo, ku Minister, Mr. Nelson  Navarro, kende tambe ta hasiendo su máksimo esfuerso, pa yega na adaptashon de reglanan eksistente, i duna máksimo protekshon na nos artistanan lokal. Direktiva  di Amak, ta kombensí, ku nos parlamentarion di Kòrsou, tambe , lo duna sosten total, na e intenshonnan di Minister Navarro pa yega na un mihó forma di protekshon di nos artistanan lokal.