Amador Nita Mavo, den boka di pueblo kariñosamente yamá “e skol na Hel”….asina tabata yam’é tempunan ayá. Entretantu mas ku 30 aña a pasa. Djabièrnè 7 di mart un grupo di èks alumno, ku ta biba na Kòrsou i na Hulanda ke tene un reunion pa tur alumno i dosente di e tempu ei topa. A habri un página riba Facebook  ku e èks alumno i dosentenan a akogé yen di entusiasmo. Tin algun hende ku pa años no a tende nada di otro ni a topa nunka mas for di tempu ku a kita skol. Vários èks alumno ta biba den eksterior anto segun nos a komprondé, nan tambe ta bai Kòrsou speshal pa e reunion aki. E enkuentro ta tuma lugá na Hòfi Granville na Caracasbaaiweg # 340. For di shet’or di anochi tur èks alumno i dosente ta invitá pa bin topa, kòmbersá i rekordá e dushi tempunan ayá. Entrada ta gratis anto di mes tin un bar ku kushina bon surtí. Abo a yega di bai Amador Nita Mavo ? Bo tambe ta kordialmente invitá pa asistí djabièrnè 7 di mart, kuminsando for di shet’or di anochi na Hòfi Granville na Caracasbaaiweg, Kòrsou!