E alineashon di e di kuater edishon di Curacao North Sea Jazz ta mustra festivo i masha prometedor i alentador. Nos a kaba di risibí konfirmashon di nada ménos ku: Marc Anthony, Toto, Paul Anka, Pernell Saturnino and Friends presentando Miguel Zenón i pa Brionplein Israel & New Breed.

Marc Anthony pa basta tempu tabata riba lista di deseo di Curacao North Sea Jazz.  Aña pasá el a partisipá den e spesial pa e okashon ei kreá orkesta di   Sergio George All Star Friends Band, e aña akí lo e tin su mes i propio presentashon yen di ‘swing’. E ta e kantante  i artista di salsa mihó bendí na mundu. E kantante/produktor/aktor a kuminsá su karera masha yòn komo kantante di fondo, pero pronto su talentonan komo presentadó i kompositor a resaltá i a yama atenshon. Na 1991 a sali su promé When The Night Is Over. Na final di añanan ’90 el a hasi un ‘crossover’ pa e mundu amplio di e gran públiko ora su álbumnan na ingles Marc Anthony i Mended, i e singelnan manera I Need To Know i You Sang To Me, ku a resultá éksitonan grandi.

Rosanna, Africa, Pamela, Stop Lovin You kada un ta klásiko. Den e 35 añanan ku Toto ta eksistí, nan a bende mas ku 35 mion ehemplar i nan tin mas Grammy riba nan nòmber.  E banda akí no por keda sin kòrda riba dje ora ta papia di mapa musikal mundial. No solamente e propio produkshonnan di Toto a resultá enormemente eksitoso, pero tambe e kooperashon entre e grandinan manera: Michael Jackson, Stevie Wonder, Miles Davis, Aretha Franklin, Elton John, Pink, Paul McCartney, Santana i Lionel Richie.

Ta masha poko artista por igual’é: kantante Paul Anka (1941) entre tanto ta aktualmente den su di seis (!) dékada komo artista. El a bira mundialmente famoso ku su hitnan manera: Diana, Put Your Head On My Shoulder i Puppy Love. Komo kompositor tambe e tin hitnan grandi riba su nòmber; el a komponé e teksto na ingles di Frank Sinatra su My Way i el a skirbi entre otro pa i ku Buddy Holly, Tom Jones i Michael Jackson. Spesialmente pa su konsierto na Kòrsou Paul anka ta bini ku su Big Band.

Ganadó di galardon Grammy perkushonista Pernell Saturnino ta toka den su propio pais Kòrsou ku Miguel Zenón. Zénon ta un altsaksofonista fabuloso. Pernell Saturnino ta toka internashonalmente ku diferente artista konosí i di fama manera: Danilo Perez, Paquito D’Rivera i e kinteto di David Sanchez.

Djadumingu 25 di ougùstùs tur hende por disfrutá di un konsierto grátis di Gospel úniko na Brionplein di Israel & New Breed. E kantante karismátiko Israel Houghton  ta kombiná elemento di Gospel, jazz, latin i rock. Na Merka partikularmente Israel ta masha konosí pa su músika vibrante ku ta surpasá tur

CURAÇAO NORTH SEA JAZZ FESTIVAL 2013

E artistanan konfirmá te awe ta aktua na e siguiente lokashonnan i riba e fechanan: Brionplein djadumingu 25 di ougùstùs:  KONSIERTO GRÁTIS di Israel & New Breed Brionplein djaluna 26 di ougùstùs: KONSIERTO GRÁTIS di El Gran Combo de Puerto Rico Brakkeput Mei Mei djaweps 29 di ougùstùs: José James CNSJ 2013 / World Trade Center Piscadera Bay djabièrnè 30 di ougùstùs:  Sam Cooke stage: Toto – Marc Anthony Celia stage: Gladys Knight – Sonny Rollins – Oumou Sangaré Sir Duke stage: New Cool Collective – Raphael Saadiq –Erykah Badu Etta James stage: Kris Berry – Mud Morganfield  – Sabrina Starke And the Hot 8 Brass Band Ainda falta pa anunsiá un nòmber pa tarima di Sam Cooke CNSJ 2013 / World Trade Center Piscadera Bay djasabra 31 di ougùstùs:  Sam Cooke stage: Luis Miguel – i otro nòmber di artista grandi  ku nos lo  bai anunsiá ainda!! Celia stage: Paul Anka – Edmar Castaneda – Christian McBride Big Band Sir Duke stage: Esperanza Spalding Radio Music Society – Los Lobos – The Roots Etta James stage: Pernell Saturnino and Friends featuring Miguel Zenón– Sherry Dyanna – Kizzy McHugh And the Hot 8 Brass Band Karchi di entrada via 522-JAZZ, benta ofisial di karchi di entrada a kuminsá na e lugánan di benta konosí. Mas informashon yama 522-JAZZ.

Curaçao North Sea Jazz Festival ta ouspisiá pa: Fundashon Bon Intenshon