E aña aki Minister di Kultura, sra. Marilyn Alcala-Walle a tuma e desishon ku pa loke ta trata apertura di Karnaval 2018, Fundashon Karnaval Banda bou huntu ku Fundashon J.A.G. lo organisá esaki huntu.

E motibu ta pa tur dos fundashon por haña benefisionan for di esaki. Pues e apertura ofisial pa tur dos fundashon / organisashon lo tuma lugá dia 06 yanüari próksimo na Kliene Werf ku lo wòrdu transformá den un tremendo Carnival Village Curaçao.

Manera ta pone riba e kalendario di Fundashon Karnaval Banda Bou ku dia 07 yanüari lo tin apertura no ta kuadra mas. I ku e dia aki lo tin elekshon Reina, Prens i Pancho Brindo. E elekshon aki lo wòrdu tene dia 13 yanüari próksimo. Kaminda lo elegí Reina, Prens i Pancho Brindo pa ku Elekshon Grandi. Orario i sitio lo wòrdu anunsiá den kurso di siman.

Nos lo apresiá si boso por tene kuenta ku e kambionan aki pa aktividatnan di Karnaval Banda Bou 2018.