Resientemente Cpost International a sera un akuerdo di koperashon ku e kompania Skypostal Inc. ku ta establesé, na Miami Florida.

E akuerdo ta enserá aktividat riba e tereno di “e-commerce” i ta trata di spesifikamente di kompra di merkansia online na Merka pa e merkado di Mexico. Skypostal ta e partner di Cpost International pa e servisio di Puntomio riba e merkado di Kòrsou, Sint Maarten i tambe e islanan di BES.

Ku e akuerdo aki, e servisio di Puntomio ta keda introdusí tambe riba e merkado di Mexico. Den e akuerdo aki Skypostal ta enkargá ku e aktividatnan logístiko di merkansia ku ta ser kumpra online mientras ta hasi uso di un ofisina virtual di Cpost International ku ta establesé na Miami Florida. E desaroyo aki ta forma parti di e esfuerso di Cpost International pa ekspande su aktividat nan komersial pafó di e teritorio di Kòrsou.

Riba e potret por mira srs. Andy Luisa, Gerente General Interino di Cpost International, sr A. J. Hernandez, Presidente i CEO di Skypostal Inc i Jervhes Josephia, direktor di Business Development di Cpost