Ayera 13 di Febrüari 2014, Cpost International (Cpost) ku e meta pa ta mas inovativo i ekspandé su alanan den merkado internashonal a firma un akuerdo ku e kompania COPA Airlines (Compania Panameña de Aviación). Ku e akuerdo aki Cpost ta bira un agente ofisial pa COPA Airlines pa Kòrsou, Sint Maarten i tambe Islanan BES. Ku e akuerdo aki, Cpost a agregá e servisio di “Courier” di COPA na su pakete di servisio ku e ta ofresé na su klientela. E akuerdo a wòrdu firmá dor di Sr. Franklin Sluis, Direktor General di Cpost International i Señora Joyce Douglas kende ta e representante lokal di COPA Airlines na Kòrsou. Ku e akuerdo aki Cpost International a logra un tremendo avanse den nan meta pa ta presente den merkado internashonal serando aliansa ku partnernan stratégiko ku ya ta establesé den e merkado aki..