Direktiva di skol i alumnonan a hasi evento di rekonosementu

WILLEMSTAD:  Djabièrnè último Digicel a bishitá St. Fransiscus College ku un meta masha spesial. Un di e streanan hóben di e pelíkula Buladó, Tiara Richards, ta bishitá e skol. Direktiva di St. Fransiscus College a hasi un evento di rekonosementu i Digicel tabata kontentu di por a kontribuí.  Tiara Richards, den grupo 8B a risibí un telefòn di Digicel komo muestra di apresio i rekonosementu pa su talento den e pelíkula Buladó.

Buladó, un ganadó!

Buladó ta un pelíkula grabá pa gran parti na Papiamentu. Na fin di sèptèmber a skohe Buladó komo e pelíkula pa karga ‘Film Festival’ 2020. Esaki tabata un gran honor pa e elenko, inkluyendo un di su streanan hóben Tiara Richard. Dia 2 di òktober ùltimo, Buladó a resultá ganadó apsoluto di e bisé di oro (Gouden Kalf) na  Hulanda, den kategoria di mihó pelíkula hulandes 2020. Digicel, Direktiva di skol, i tur alumno di St. Franciscus College, en partikularmente su koleganan di grupo 8B, ta masha orguyoso di Tiara ku pa medio di su talento a pone un lus positivo riba Kòrsou.