Grupo “ Nos Grandinan” konhuntamente ku “Gruponan infantil/ hubenil” ta bai tin un tremendo aktividat di Tambú kombiná ku Ritmo Kombiná, dia 3 di novèmber próksimo. E aktividat ta bai pone atenshon na shownan di 50 aña pasa; kon nan tabata ser presentá ántes. Durante di e show aki lo bo haña kanto, baile, komedia i tambe poesia. Lo tin presentashon di Grupo Rítmiko Sablika, Dj Sopresa i baile di Bachata.Tambe lo tin kòntèst di kantamentu di Ranchera, Presentashon di 2 grupo di baile i tambe hungamentu di Dominó i Bon kuné. Sr.Saez di “ Penshonado Uni” tambe lo tei pa duna un presentashon pa tur presente. Durante di e dia aki tambe lo duna homenahe na dos baluarte di nos komunidat ku ta sra. Crisma Henriquez i tambe sra. Geleen Stasia. Pueblo di Kòrsou kompletu ta keda invitá  pa tei dia 3 di Novèmber na Hofi Biesheuvel for di 11or di mainta te 7or anochi pa gosa di un aktividat variá. Entrada ta 10 florin i lo bai tin un premio di porta. Pa mas informashon òf kumpra karchi por yama 527-2094.