…Digicel a selebrá ku damanan boneriano…

KRALENDIJK- MART,2014; Digicel no a laga e ‘Dia Internashonal di Hende Muhe’ pasa sin selebrá esaki ku su klientenan. Riba e dia aki a tene un ‘Digi Pamper Day’ na unda ku a malkriá tur kliente femenino. Bintisinku dama a risibí un trato èkstra spesial; a tene un kampaña na unda ku tur dama ku a manda un SMS ku e palabra ‘muhé’ na #2000 por a partisipá. A risibí un kantidat enorme di SMS pero ta 25 dama ku suerte só por tabata partísipe na e selebrashon spesial di Digicel dediká na e hende muhé. E damanan a wòrdu invitá pa disfrutá di un desayuno, despues nan tur a risibí un pedikür na Sil’s Care Spa siguí pa un kambio di imágen na Unforgettable Make-Up and More. Tur esaki grátis i komo muestra di apresio pa nan lealtat na Digicel. Pa duna e dia un toke komunitario i tòg purba na malkriá tur hende muhe, a tene un aktividat di benta dilanti Digicel den Kaya Grandi na unda ku a ofresé telefonnan na preis di baka flaku, hopi tabata esnan ku a probechá di kumpra un telefon i mesora hasi un regalo- tur ku a bishita Digicel riba ‘Dia di Hende Muhé’ a risibí un apresio di e kompania di telekomunikashon. “Nos ta masha kontentu di por a demostrá èkstra atenshon na e 25 damanan ku a gana den e kampaña promoshonal di Dia di Hende Muhé, tabata nos deseo pa laga nan sinti ekstraordinario. E aktividat di benta tambe a risibí un akohida fenomenal i pa esaki nos ta masha gradesido”, esaki di akuerdo ku Irvinia Daantje, relashonista públiko pa Digicel Bonaire.