Despues di a partisipá den Festival di Tumba 2015 Danny Yanga a demostrá pueblo di Kòrsou ku e ta un artista ku tin bon dominio di esenario. Hopi ta esnan ku a wak i disfrutá di Danny Yanga su presentashon djarason i djabièrnè  último den Festival di Tumba. Radio, televishon i korantnan tabata duna bon komentario riba Danny su presentashon den su totalidat. Akademia ShowBizz ta bolbe habri su porta pa asina Danny duna mas mucha, tener i hende grandi e oportunidat pa engrandesé nan talento di kanta, baila,  aktua i alabes krese e parti di nan formashon artístiko i presentashon. Akademia ShowBizz a klousurá ku un tremendo show dia 22 di Desèmber di aña pasa, ku tur e partisipantenan, i tin ku bisa ku tantu e partisipantenan i mayornan a keda hopi kontentu, gradesido i satisfecho di a mira kambionan den kresementu di nan yunan i pa ku nan talento. Komo ku e petishonnan ta asina haltu Akademia ShowBizz ta habri su portanan atrobe entrante 7 di Febrüari pa asina durante henter aña sigui duna e kursonan di kanta, aktua, baila i alabes tin 2 show pa tur partisipante den luna di Yüni i Desèmber 2015. Akademia ShowBizz ta para pa kalidat i kresementu personal. P’esei nos ta bai inkorporá pa durante aña por sigui ku kursonan pa un formashon total di e partisipantenan. Nos ta bai duna tambe kursonan di make up, etiketa, kuido personal i komunikashon ku públiko pa asina bo por ta un artista kla pa subi esenario. I tur esaki pa e mesun kontribushon, pues ningun gastu èkstra. Bo ke ta un artista òf bo ke engrandesé bo talento? ShowBizz tei pa duna tur hende e chèns pa traha riba nan talentonan skondí i ta preparábo pa hasi bo mas konsiente pa loke ta trata e mundu di ShowBizz. Kursonan ta pa mucha di 5 aña pa ariba te ku e edat mas avansá i ta pa tantu hende muhé i hende hòmber. E kursonan ta parti den edat 5 pa 9 aña Fls 75.-. 10 pa 15 aña Fls 85.-  i 16 aña bai ariba Fls 99.-. Inskripshon ta Fls 10.- Tambe nos ke pone énfasis ku nos tin e deseo di mira mas di hóbennan ku edat di 16 aña pa ariba mirando ku e aña aki Danny ke kuminsá ku promoshon di algun artista nobo. Si bo ke bira un artista konosí na Kòrsou i ku e konosementu i eksperensia di un artista internashonal i profeshonal, aworakí ta bo chèns pa inskribí i partisipá den e Akademia ShowBizz. Ora bo graduá di e Akademia ShowBizz di Danny Yanga bo ta un artista ku tin dominio di bo kurpa, abilidat avansá den kanta baila i aktua riba tarima i ku komunikashon ku bo públiko. Yama pa reservá na telefòn 462-2331/5606225 òf App. 05999-5213700  òf pa mas informashon. Inskripshon ofishal pa partisipante nobo i esnan avansá, pues ku ya a partisipá aña pasa ta djasabra 7 di Febrüari awor di 10’or pa 2’or na JCC na Groot kwartier (di tres edifisio despues di Misa). Keda pendiente pa e tremendo Show di Akademia ShowBizz titulá “Butterfly” den luna di yüni próksimo.