ORANJESTAD, Aruba – 16 di Januari 2020: Aruba Hotel & Tourism Association (AHATA) hunto cu nan partner HCP Media – un compania di publicidad y media – ta anuncia e lansamento oficial di su publicacion nobo, Aruba Magazine, e ta un guia di destinacion anual cu e asociacion ta distribui na e bishitantenan di hotelnan miembro di AHATA. E revista aki tambe ta obtenibel den forma digital.

“Nos ta encanta di por provee e bishitantenan cu un mirada profundo y amplio riba e diferente actividad y experencianan cu nos isla ta ofrece. Tanto den e area cultural como tambe historico,” asina Tisa LaSorte, Presidente y CEO di AHATA, a bisa. “Cu HCP su experencia y profesionalidad, nos a crea un publicacion bunita cu ta destaca luganan di interes, actividadnan, arte, gastronomia y hopi mas cu ta defini e ‘One Happy Island”.

Cu un diseño nobo y contenido interesante, tur elemento di e contenido ta duna enfoke na e personalidad unico, historia y aventuranan cu Aruba tin di ofrece na su bishitantenan. AHATA su miembronan y e diferente “advertisers” ta esnan cu ta resalta como negoshinan clave y ta ofrece ofertanan na e bishitante cu tin interes di hasi algo durante nan estadia.

“Creando e revista aki den nomber di AHATA ta un honor pa HCP Media,” asina Marisa Beazel, Presidente y Publicista di HCP Media, a indica. “E ta un oportunidad maraviyoso pa trece e experencianan cu Aruba ta ofrece den e paginanan di Aruba Magazine.”

E revista ta obtenibel desde e luna aki na hotelnan distribuidor miembro di AHATA y online via ahata.com.

Tocante HCP Media

Como experto den comunicacion, HCP Media, un division di McClatchy, cu ta crea plataformanan innovativo, cu solucionnan cu ta keda dilanti cu e desaroyo di media di clientenan. HCP ta produci mas di 75 publicacionan personalisa pa hotelnan, aerolineanan y otro clientenan. E alcance di e compania ta extende mas cu e ‘niche’ di biahe y den e mercado global luhoso, cu ta inclui publicacion den lineanan di Cruceroy revistanan luhoso. HCP su productonan di branding ta inclui video y websites, mercadeo di evento, strategia pa plataforma di social media, contenido pa blogs y materialnan pa companianan nacional y global cu ta dirgi na consumidornan afluente. Hunto esaki ta yega mas di 80 miyon biahero activo anualmente y 5 miyon bishitante pa luna riba e websitenan combina. HCP a wordo reconoci cu mas di 300 premio pa contenido editorial, fotografia y diseño.