ORANJESTAD, Aruba –Maart 2019: Alumnonan di klas 6B di Scol Primario Kudawecha ta tumando parti den e program di “Conseho di Mucha” cu nan proyecto pa soluciona un dilema presenta pa Aruba Hotel and Tourism Association (AHATA).
Na Januari CEO di AHATA, Tisa LaSorte, a bishita Scol Primario Kudawecha pa presenta e dilema cu ta pa motiva persona local hoben pa traha den e sector turistico y sostene e pilar di nos ecnomia.
Na luna di Februari y Maart e alumnonan di klas 6B di Scol Primario Kudawecha a traha riba nan etapa di investigacion, y a bishita diferente stakeholder den e industria di turismo. Pa duna un bon conocemento di e industria y empleo den e industria, a siña nan tocante e variedad di trabounan disponibel den sector. E muchanan a scucha directamente for di empleadonan y gerencia tocante nan experencia den e industria y di nan amor pa e trabow.
AHATA a organisa field trip pa e alumnonan di klas 6B por a bishita diferente compania miembro di AHATA, manera The Ritz-Carlton, De Palm Tours, Aruba Airport Authority, y Aruba Ports Authority.
E bishitanan a bay bon y Rene Kannegieter, docente na Scol Primario Kudawecha, a bisa cu e alumnonan a mira hopi diferente aspecto di Turismo y tabatin oportunidad pa hasi hopi pregunta. De Palm Tours N.V. a sorprende e alumnonan y busca nan den un jeep. Na De Palm Tours N.V. a siña hopi, mientras cu na Aeropuerto a cera conoci kico ta e proceso cu e pasahero ta pasa aden, desde comienso te final. Na Ritz-Carlton tambe nan a ricibi hopi informacion y tabata interesante.
AHATA a organisa un bishita na Aruba Ports Authority tambe, unda nan a ricibi un rondleiding educativo. E informacion na APA a interesa alumno Vince Ramara masha hopi mes, y e la expresa interes den traha como capitan di boto. Maria José Salazar-Salazar di klas 6B di Scol Primario Kudawecha, a gusta e bishita na Aeropuerto Reina Beatrix, pasobra nan a ricibi splicacion di e proyectonan di ampliacion pa aki 10 y 20 aña. Otro alumno, Elijah Wester, tambe a haya bishitanan hopi leuk y e ta desea di traha den un hotel un dia y bira un general manager. Tanya Jiandani, studiante di klas 6B di Scol Primario Kudawecha, a haya e bishitanan hopi interesante y ta sinti awor e sa con e por yuda AHATA cu e dilema. Su grupo lo repasa tur informacion cu nan a haya pa prepara un presentacion interesante pa AHATA y purba motiva Arubianonan hoben pa bay traha den hotel y turismo.
Como parti di e investigacion di e alumnonan, AHATA a invita John Wardlaw, Dean Faculty of Hospitality & Tourism Management di Universidad di Aruba pa duna un presentacion na e alumnonan di klas 6B. A siña nan e diferencia entre hospitalidad y Turismo y e importancia di nos localnan den sector turismo. Tambe a ricibi hopi informacion valioso pa nan investigacion y conocemento general relaciona cu e industria y estudio academico necesario pa traha den sector di turismo. E alumnonan a demostra gran interes pa tur aspecto presenta na nan.
AHATA ta gradici e team di The Ritz-Carlton: Elba Fajardo – Housekeeping Attendant, Yahira Santoni – Communications Manager, Veronique de Kort – Human Resources Coordinator, Entony Dirks – Front Desk Supervisor, Milouska Briezen – Destination Sales Manager; team di De Palm Tours: Rockey Franken, Joel Wever and Ronny (Oko) Tromp – Tour Guides/Drivers, Anjali Vishnudatt – Assistant HR Manager, Swindy Zeng – Marketing Coordinator, Marjoli Ruiz – HR Assistant, Amerey Tromp – Executive Assistant, Gio Lo A Njoe, – Submarine Pilot, Cassandra Dijkhoff – Marketing Assistant/Design, RJ Johnson – Operations Supervisor Underwater Guide, Snuba & Seatrek, Warren Stanley – Managing Director; Shanuska Koolman – IT, Gilberto Perez – Marketing Distributor, Jesser Pichardo – Graphic Designer and Lisandro Zambrano – Marketing Manager; team di Aruba Airport Authority: Jurgen R. Benschop – Director Operations C.O.O, Christine Kaarsbaan-Leo – Social Media & PR Assistant, Hendrik Croes – PR & Communication Officer; team di APA: Jossy Figaroa, ex director di APA; Raymond Kock, coordinador di facilidad di APA.
Un danki tambe na Sr. John Wardlaw di Universidad di Aruba y De Palm Tours y Kukoo Kunuku pa transporte durante e field trip aki.
Na aña 2010, Prinses Laurentien van Oranje a funda De Missing Chapter Foundation cu ta inlcui e programa Kids Council. E obhetivo di e fundacion ta pa contribui na solucion p’e comunidad y tuma e perspectiva di mucha y adolescente na cuenta. AHATA a bira pionero door di traha cu Conseho di Mucha desde October 2015 hunto cu otro partnernan den sector turistico.