ORANJESTAD, Aruba – Juni 2021: Pa honra Dia Mundial di Medio Ambiente, AHATA su comision di medio ambiente a tene un beach clean-up na Costa Norte. Miembronan di comision a participa cu famia y colega, y Rotaract Club y Interact Club tambe a duna un man na Boca Grandi y Grape Field.

A dividi 45 boluntario den team chikito y a cuminsa di banda oponente di otro y a ruim op ful e area te ora cu a yega bek na e prome entrada di Boca Grandi. E material mas prominente den e 50 saconan colecta tabata diferente tipo di plastic. Como un muestra di gradicimento, e boluntarionan a ricibi un certificado di participacion di AHATA.

AHATA su comision di medio ambiente ta consisti di boluntario activo y cu amplio experencia den nan profesion. E boluntarionan ta di e companianan miembro di sector priva y fundacion. Nan meta ta pa crea interes pa e 4 R-nan: Reduci, Reusa, Recicla y Reutilisa den e sector comercial, gobierno, y publico en general y pa mehora e consentimento ambiental.

E ta crucial pa nos cuminsa realisa con fragil nos sistema ecologico ta y tuma medidanan preventivo pa proteha y recupera especie cu ta den peliger di disparce. E tema di Dia Mundial di Medio Ambiente tabata restauracion di sistemanan ecologico, cual a crea un bon oportunidad pa e comision yuda combati e problema aki. Manteniendo nos beachnan limpi ta un manera simpel pa proteha Aruba su especienan marino.