Despues di nan tour na Hulanda siman pasá kaminda agrupashon musikal Gentz Tre’chic tabatin diferente presentashon eksitoso, nan ta sigui ku nan tour pa Bèlgika e siman akí. Gentz lo presentá na Bèlgika na e suidat di Antwerpen na e di 36 edishon di e evento popular “Antilliaanse Feesten Hoogstraaten”. Riba djawebs 9 di ougùstùs Gentz lo presentá riba e tarima na e asina yamá Village stage. I pa dia 11 di ougùstùs Gentz lo presentá riba e esenario prinsipal di e evento huntu ku diferente otro artista internashonal.

Gentz ta invitá un i tur pa sigui nan riba nan “Facebook page” kaminda nan lo bai ta live durante e dianan di presentashon direktamente for di Bèlgika. Gentz ta sigui demostrá su akohida internashonal i ta sigui saka kara di Kòrsou musikalmente tur kaminda ku nan presentá.