WILLEMSTAD – Djaluna di 10 di yanüari Hato International Airport a yama bon biní na e promé aeroplano A220. Esaki ta e atkisishon mas nobo di e famia di Airbus i e ta un avion supermoderno, ku Air Canada ta eksplotá. E personal eksperensiá i kalifiká di Antilles Aerospace a hèndel e avion. Na novèmber último Air Canada a reanudá su buelonan pa Kòrsou, pero resientemente el a anunsiá ku na febrüari e ta bai suspendé su buelonan atrobe pa motibu di e oumento di kasonan di COVID.