Siman pasá, pueblo di Kòrsou, pero spesialmente miembronan di TDS a keda papia di e regreso di “Pronkami” riba TDS, den e estilo di Pay Per View. Hopi tabata e miembronan ku simplemente no a haña e chèns di pidi pa nan programa faborito di tur tempu. Miembronan a kore yega TDS djaluna mainta pensando ku ta un kanal spesial di “Pronkami” tin, pero a bin komprondé ku ta un wikènt di “Pronkami” TDS a brinda. Pa tur e motibunan aki, TDS a disidí di ripití e promé edishon di “Pronkami” den e wikènt di Sanikolas aki atrobe. Si, kuminsando djabièrnè 6 di desèmber 2013 pa eksaktamente 20:00 (8:00pm) te ku djadumingu 8 di desèmber 23:59, tur amante di e programa humorístiko “Pronkami” tin e último oportunidat di mira e dos oranan yen di humor aki riba TDS. Kanal 77 lo ta e kanal kaminda tur miembro di TDS ku hasi nan petishon via 9242, lo bai disfrutá di e ripitishon di e promé edishon di e programa “Pronkami”. No laga e chèns aki pasabu ‘voorbij’, esaki si ta e último wikènt di “Pronkami” edishon 1 riba kanal 77 di TDS. Pues yama 9242 awor i pidi bo “Pronkami” pa wikènt di Sanikolas. Preis pa e dos oranan aki ta solamente ANG 25.00 òf pa Boneiru US$ 14.00. Por pidi e Pay Per view aki tur dia te ku djadumingu anochi 21:30 (09:30PM). TDS ta sigui demostrá ku e ta i lo keda e kompania di televishon pagá mas kompletu di tantu Kòrsou komo Boneiru. P’e motibu aki tambe nos tur sa ku tin: MAS TDS pa ABO!