E pionero bancario lo mantene presencia histórico y aporta cu infrastructura fresco y moderno

Oranjestad, diahuebs 26 di November –Aruba Bank a celebra e tradicional “Spant en Bier” ayera atardi cu un encuentro ameno entre gerencia y trahadornan di construccion despues di a jega e punto mas halto di e edificio nobo den Caya Grandi.

Construccion ta marcha bon na Caya G.F. Betico Croes #41 mientras cu e edificio original pronto lo wordo usa pa otro proposito.

E demanda di e cliente pa facilidadnan cu ta contene servicio inovativo cu ta brinda e cliente loke e mester den un tempo mas cortico ta creciendo, segun Rocila Acosta, Directora Ehecutivo di Aruba Bank, encarga cu aspectonan di retail banking.

Aruba Bank su Main Street Express Branch lo ocupa un area di mas o menos 78 meter cuadra cu lo reemplasa e edifico cu a wordo construi den anjanan binti.

Construccion lo wordo completa na inicio di 2016. E projecto, cu ta e prome concepto di “sefl-service banking” na Aruba, lo brinda servicionan completamente moderniza bancario cu ta facilita transaccionnan  den forma automatiza.

Segun Sharon Fränkel – De Cuba, Directora General di Aruba Bank, Aruba Bank ta mira e balor di mantene su presencia den centro di Oranjestad cu servicio facil y rapido pa esnan cu ta traha y biba den cercania. Ela sigi bisa cu nan ta wak un corelacion entre mantene presencia y ta exitoso den locual cu nan ta ofrece.

Aparte di mantene su presencia historico den centro di nos cuidad e projecto lo sigi conta cu su parkeerplaats pa acomoda cliente cu ta bishita e sucursal como tambe aporta na e infrastructura fresco y moderno di nos caya principal.

E apertura  di e Main Street Express Branch lo tuma lugar oficialmente na inicio di 2016 y lo wordo anuncia den medionan local y lo conta cu numeroso actividad ariba e plaza su dilanti pa asina introduci e filial bancario na e comunidad di Aruba. Esaki lo ta e prome sucursal bancario cu lo brinda posibilidadnan bancario rapido, facil, y conveniente pa e bida rapido di nos clientenan.