IQOS aktualmente ta den su di 5 aña komo é alternativa di riesgo abou pa tur humadó na Kòrsou.
E ta na un averahe di 95% ménos riesgo ku sigaria tradishonal.
WILLEMSTAD:- Ta estimá ku a stòp sendementu di mas ku 11 mion sigaria na Kòrsou, desde introdukshon di IQOS su dispositivo di tabako kalentá, kual a keda introdusí mas o ménos 5 aña pasá na Kòrsou. E dispositivo aki a keda lansá komo un alternativa di riesgo abou pa e sigaria tradishonal. Kasi 1,700 adulto ku ta huma sigaria riba nos isla ya a kambia pa e produkto aki, merkadeá dor di Philip Morris International (PMI).
IQOS ta diferente for di un sigaria elektróniko òf un ‘vape’, e tin un sistema ku ta sosten’é sientífikamente komo un mihó alternativa pa sigaria. Esaki komo ku e ta kalentá e tabako na lugá di kima esaki. Dor di kalent’é ta eliminá e huma, ku ta kousante mayó di e daño di humamentu. Ounke e no ta un produkto sin riesgo, e ta mitigá e nikotina ku ta adiktivo- i IQOS ta redusí un averahe di mas o ménos 95% di alkanse na supstansianan tóksiko i dañino ku por wòrdu hañá den huma di sigaria.
“IQOS ta un elemento importante den nos ambishon pa remplasá sigaria ku produktonan liber-di-huma i Kòrsou tin un oportunidat pa bira parti di e vishon aki. E kresementu den usuario ku ya kaba a kambia pa e alternativa aki den e ultimo 5 añanan ta evidensia di esaki. Pa aselerá e vishon, nos tin ku traha huntu ku departamentonan públiko pa proveé tur informashon sientífiko nesesario di manera ku esnan ku ta huma por tuma e mihó desishon pa nan mes i nan salú,” esaki di akuerdo ku Laureano Rodrigo, gerente general di PMI’s pa Kòrsou i Caribe. E diferensia ku sigarianan tradishonal ta, IQOS no ta kima tabako i p’e motibu ei no ta produsí huma òf shinishi. Adishonalmente e ta produsí ménos holó ku sigaria konvenshonal.
Sientífikamente probá i sostené
Instansianan grandi ta konfirmá ku IQOS ta un dispositivo pa kalentá tabako fundamentalmente diferente i ta un mihó opshon ku sigaria tradishonal pa un adulto ku di otro manera lo sigui huma. Por ehèmpel, IQOS 3 i IQOS 2.4 ta e úniko dispositivo alternativo elektróniko di nikotina inhalable aprobá dor di FDA komo un produkto di tabako ku riesgo modifiká.
Di akuerdo ku estudio” “Effects of Switching to Heated Tobacco Products” (https://www.pmiscience.com/en/news-events/scientific-update-magazine/short-term-effects-of-switching ), publiká dor di Cancer Epidemiology, Biomarkers & Prevention, despues di 6 luna ku un persona kambia kompletamente pa IQOS ya usuarionan por eksperensia benefisionan di pulmon.
“Nos ta mira kon e nivelnan di monóksido di karbon ta baha, halamentu di rosea ta bai mas fásil, e tosamentu i inflamashon ta baha i hasta e nivel di kolesteròl ta bira mihó pa e usuario ku a kambia kompletamente pa IQOS, “asina Yocasta Gil, Gerente di Asuntunan Sientífiko di PMI’s Sentroamérika i Caribe ta splika.
IQOS ta presente den 70 pais i ya tin alrededor di 20 mion humadó ku a skohe pa e mihó alternativa aki.