E KAMPAÑA DI FIN AÑA MAS POPULAR TA BÈK KU HOPI PREMIO

WILLEMSTAD – Na okashon di e selebrashon di 15 aña Fun Miles i pasobra hopi hende a puntra ki dia ta bolbe tené, Fun Miles ta lansa su mas eksitoso kampaña di fin di aña: FUNGO! Fun Miles ta konosí pa su kampañanan pa gana premio manera Funopoly, The FunStones i FunJack, pero nunka tabatin un kampaña asina eksitoso manera Fungo ku a tuma lugá na aña 2009. Fungo ta un konsepto ku a krea for di e palabranan ‘fun’ i ‘bingo’. Hendenan ku hunga Fungo ta eksperensiá e elementonan mas plasentero di e wega di bingo. E di dos edishon aki di Fungo ta kore te yanüari 2014 na islanan Kòrsou, Aruba, Boneiru i St. Maarten. Na Kòrsou e pakete di premio ta konsistí di un Suzuki Celerio nobis-nobis, mas di 750.000 Fun Miles i masha hopi otro premio, manera entre otro, aparatonan elektróniko, biahe nan i kadóbòn. Fun Miles ya pa 15 aña ta e programa di spar i troka mas grandi di Karibe.

Kon Fungo ta funshoná atrobe?

Miembronan ku hasi kompra na un di e negoshinan partisipante i laga e kahera swaip nan karchi di Fun Miles, ta risibí un òf mas tíket di Fungo. E montante pa kua bo ta risibí un tíket ta varia di negoshi pa negoshi. Ora bo habri e tíket di Fungo i si bo tin suerte bo ta gana un premio instantáneo. Tin míles di e tipo di premionan aki den e kampaña. E premionan ta  varia for di un cheeseburger te un pasashi, di eiskrim te bòn di gasolin. Pa reklamá bo premio instantáneo bo ta entrega e tíket di Fungo na e empresa ku ta menshoná riba dje (por ehèmpel: dòbel Fun Miles na Kooyman).

Bo no a gana un premio instantáneo? Warda bo tíket di Fungo!

No ta tur tíket di Fungo tin un premio instantáneo. Ta rekomendabel sinembargo pa bo warda bo tíket sin premio, pasobra pa kada 5 tíket ku no tin premio instantáneo bo por buska un ‘Fungocard’ (e karchi di Fungo) na un di e negoshinan partisipante òf na ofisina di Fun Miles. ‘Fungocard’ ta e formulario di bingo di Fun Miles ku kua bo por gana premionan ‘Lucky Shapes’ i tambe partisipá pa e premionan prinsipal.

E premionan Lucky Shape: tenshon pa e fanátiko rápido di bingo!

Riba kada tíket di Fungo tin dos bala di bingo imprimí ku riba dje un sifra òf un logo. Mester kòrta e bala nan aki i plak nan riba e karchi di Fungo. Esnan ku forma un di e ‘Lucky Shape-nan’ mester pasa lihé na ofisina di Fun Miles pa reklamá e premio. Esun ku yega promé ta bebe awa limpi. Na Kòrsou e premionan ta varia di entre otro: kadóbòn, telefonnan BlackBerry, tablets, Smart TV’s i un biahe pa dos pa bishitá New York.

E premionan prinsipal – Un Suzuki Celerio i 750.000 Fun Miles!

Hasta esnan ku no ta tin suerte pa forma un ‘Lucky Shape’ ainda ta den tapara pa gana premio. Tur ‘Fungocard’ ku tin 15 bala di bingo di plak den e forma korekto por partisipá pa e premionan prinsipal ku ta: un Suzuki Celerio i 5x 150.000 Fun Miles. Pa partisipá mester deponé e ‘Fungocards’ promé ku 1 di febrüari 2014 den e barí nan spesial na  Albert Heijn, Kooyman Megastore, WIMCO Saliña, Kooyman Sta. Maria òf na kantor di Fun Miles na Dominguito. E persona ganadó ta esun na kua e karchi ta registrá. Lo anunsiá e ganadónan di e premionan prinsipal pa Kòrsou durante di e promé siman di febrüari 2014.

The Fun Bingo Sensation Strikes Back!

Fun Miles ta bon prepará, pasobra na 2009 Fungo a perkurá pa un lokura kompletu riba nos isla. Miembronan di Fun Miles a hasi lo máksimo pa haña e bala nan di bingo ku nan tabata falta. Nos por menshoná komo ehèmpel ku un kontratista a bira loko i kumpra mes tantu palu den 1 luna ku normal e sa kumpra den 6 luna. Tabata negoshá numbernan hasta den medionan manera Via Via. Un hende a ofresé hasta 200 florin pa un number ku e tabata falta. Tin hende a hasta ofresé pa parti e premio ku e bendedó. Na e departamentu di servisio pa kliente di Fun Miles na Dominguito hendenan tabata kana drenta ku skriftnan yen di kálkulo ku nan a hasi riba Excel-sheets pa analisá e wega. Riba e último dia ku por a hasi entrega na Albert Heijn tabatin un berdadero invashon di fanátiko nan di Fungo ku tabata pèrta na e mesanan kaminda por a hasi kambio i e barí nan pa hasi entrega. Si Fungo bolbe bira un lokura manera tabata e kaso na 2009 na Kòrsou nos por spera un berdadero keintura di bingo!

Mas informashon tokante Fungo?

Hendenan interesá por tuma kontakto ku servisio pa kliente na 465 3300.

Empresanan partisipante na Kòrsou ta:

24/7 WEGENWACHT, ANTILLEAN SOAP COMPANY, ALBERT HEIJN, ASOGAS, AUTOCITY B.V., BETONINDUSTRIE BRIEVENGAT, BODY CARE CARIBBEAN, BOTICA STA. MARIA, BRAKKEPUT MEI MEI, BRUNA, CAS ABOU, CHANGES, CHANGES PROSPORT, DA DROGISTERIJ, DOLPHIN ENCOUNTERS, FEETFIRST, FORT NASSAU, IMPERIAL, JAMIN, JUWELENHUISJE, KOOYMAN B.V., MADURO & CURIEL’S BANK N.V., MAU-ASAM TRAVEL, MCDONALD’S, PALTHE, PEARLE VISION, PIRATE BAY, SALT & PEPPER, SOPRANOS PIANO BAR, SUPERKIDZ, SURPRISE, TOP 1 TOYS, UNITED COLORS BENNETON, UTS, WIMCO

Lista di palabra di Fungo

Fungo – The Fun Miles Bingo Sensation Strikes Back!

Fungoticket – esakinan ta tíketnan chikí ku bo ta risibí ora hasi kompra na negoshinan partisipante i ora bo swaip bo karchi Fun Miles. E por tin un premio instantáneo, i semper dos bala di bingo ku un number òf logo.

Fungocard – esaki ta e karchi di bingo di Fun Miles, riba kua bo mester plak e bala nan di ‘Fungo’ pa partisipá pa premionan ‘Lucky Shapes’ i e premionan prinsipal. Por buska e ‘Fungocard’ aki na ofisina di Fun Miles òf un di e kompanianan partisipante ora entregá sinku tíket di Fungo ku no tabatin premio instantáneo.

Lucky Shapes – esakinan ta e figuranan di bingo ku bo por traha riba un Fungocard (ku e bala nan di bingo korekto), i ta duná bo chèns di gana premionan Lucky Shapes. Esun ku reklamá e premio ‘Lucky Shape’ mas lihé na Fun Miles ta gana e premio.

Premionan prinsipal – un Suzuki Celerio i un total di 750.000 Fun Miles. Pa partisipá na e rifa pa e dos premionan aki mester entregá un Fungocard ku por lo ménos 15 bala di bingo di plak di e forma korekto i depositá esaki den e barí nan na e empresanan partisipante òf na ofisina di Fun Miles.