Ganadornan di kampaña a risibí nan premionan: 1 aña, 6 -i 3 luna di data grátis

WILLEMSTAD, Kòrsou- Yanüari 2015: E Christmas Campaign (2014) di Digicel a yega su final; di akuerdo ku srta. Thessa Fleming relashonista públiko di Digicel e kampaña a resultá un gran éksito i por a konta ku entusiasmo di klientenan durante di henter e temporada di fin di aña. Partisipashon den e kampaña tabata posibel te ku 10 di yanüari último. Digicel a regalá un plan di data pa sea, 1 aña, 6 – òf 3 luna entre tur kliente ku a kumpra un smartphone Samsung, BLU òf un di e DL smartphonenan nobo durante nan Christmas Campaign. Tur ku a depositá nan kupòn den e buzon tabata tin chèns di gana. E premionan a bai pa srta. Nataly R Petronia ku a gana 1 aña di data, pa srta. Christina Albertus ku a gana 6 luna di data i finalmente sr. Edgard Vriend ku a gana 3 luna di data.  E último ganador semanal di rekargo òf aktivashon di data a resultá sra. Dina Urighre, e’la rekargá ku 10 florin òf mas i a gana un smartphone DL750. Ta felisitá tur ganador den e kampaña i ta deseá nan hopi momentu plasentero miéntras ku nan ta disfrutá di e mihó konekshon di data riba nos isla, Digicel 4G. No lubidá tur kliente di Digicel awó por hasi uso di Wikipedia, e aplikashon òf nabegá e wepsáit grátis sin niun gastu di data. Ademas di esaki nan por manehá nan kuenta i chèk nan saldo fásilmente ku e “My digicel app“. “Por spera hopi mas di Digicel den 2015; semper bai ku e kliente den mente, ofresiendo servisio i produktonan ku ta benefisiá esun hóben te ku esun di mas grandi. Nos ta komprometé ku e kliente pa sigui ofresé mas kampaña dinámiko manera esun aki”, esaki di akuerdo ku relashonista públiko di Digicel, Thessa Fleming.