Riba invitashon di Western Tires

Willemstad- Tabata den fin di siman tra’i lomba ku Western Tires tabata anfitrion di representantenan di Dunlop Tires. Komo un di e patrosinadónan di e evento di DragFest 2014 ku resientemente a tuma lugar, e kompania, Western Tires representantenan di Dunlop aki na Kòrsou a prepará un tim di promoshon pa por a kompañá henter e ambiente na Ronde Klip. Ehekutivo di benta, Sr. Carlos Covarrubias i ehekutivo di merkadeo, Sr. Jonathan Coromer a bishitá Kòrsou pa presensiá e karedanan i duna tur koredó un empuhe èkstra durante di e evento. Dunlop, ta ofresé tayer pa outo, SUV, pikòp i trùk. Western Tires- no tin mester di hopi introdukshon, spesialista den e.o tayer ta ofresé un portofolio kompletu inkluyendo bearing, brake-pads, ta lign outo i muchu mas. Konduktor di e outo ‘King Kong’, Pat Musi tambe a probechá e momentu di rondoná su mes pa e modelonan di Dunlop na DragFest 2014, Thessa i Fatima. Western Tires, enkabesá pa Sr. Ricardo Sint Jago ta kontentu di por a djòin Dunlop pa patrosinio di e aktividatnan di fin di siman tra’i lomba, ademas di esaki ta felisitá e organisadónan pa un resultado eksitoso di e karedanan.