Ku profundo tristesa Kas di Kultura a tuma nota di fayesimentu di Dr. Elis Juliana, mihó konosí  komo Òmpi Elis.

Na bida un antropólogo, dokumentalista, filósofo, edukadó, poeta, eskritor, etnomusikólogo, arkeólogo, deklamadó, pintor i eskultor. Un hòmber multifasétiko i talentoso ku semper a kuida, sostené, eduká, deleitá, sirbi  i stima su pueblo, su tera, Korsou. Un hòmber ku pa medio di su buki-, grabashon-, pintura- i investigashonnan a gòrda i konservá nos herensia kultural. Un íkono i pionero kultural. Na nòmber di direktiva, gerensia i personal di Kas di Kultura nos ke ekstendé nos mas sinsero kondolensia na famianan di e difuntu i pueblo di Kòrsou. Nos ta spera ku Stupi Elis, lo ta semper un lugá di reflekshon i inspirashon pa tur ku tin kultura di Kòrsou na pechu.

Danki pa tur kos Òmpi Elis i sosegá na pas