Willemstad- Kòrsou a sera konosí ku un hoya di produkshon ayera nochi na Rincon Cubano ora ku e hóben Lisella Thomas di 24 aña di edat  a presentá su CD “Mi Dios ta bibu” ayera nochi. Lisela ta kanta for di su 6 aña di edat i ela yega di presentá na Aruba, Boneiru, St. Maarten, Venezuela Hulanda i Merka. Lisela ayera nochi a konta ku a duré un aña largu pa e traha riba e produkshon aki. Ela sigui bisa ku su produktor Marvin Pikachu Snijder, tambe a hinka hopi amor i dedikashon den e kompakto aki, no opstante ku e forsa finansiero no ta tei. Ela gradisi tambe Faysel Francisco, Titi de Palm, Elber Jozefa idiferente persona mas ku a kontribui pa porfin e por a logra kaba su disko kompakto ku tin un 8 número riba dje, (un di nan ta un duo kantá ku Clifton End). E CD ta optenibel na Kas di Beibel, Boekhandel Evangéliko, Edvent Boek en Bible House i na Mensings Caminada.