…e mesun poder di e BB10 pero ku e teklado usual…

WILLEMSTAD: Digicel ta lansa e BlackBerry Q10 smartphone nobo pa Caribe. Konstruí ku presishon, ofresiendo durabilidat i efisiensia den e diseño ku nos a bin ta kustumbrá kuné. E BlackBerry Q10 smartphone ta kombiná e teklado usual di BlackBerry ku un touch screen utilisando e poder di e plataforma di BlackBerry 10 yudando kada kliente pa komuniká, traha mas lihé i efisiente. E BlackBerry Q10 smartphone ta inkluí un ekipo avansá, sistema di komunikashon i multimedia moderno, un bateria di largu durashon ku ta pèrmití e usuario uza e unidat durante di henter dia sin interupshon. E BlackBerry Q10 smartphone nobo lo ta optenibel na tur establesimentu di Digicel for di dia 14 di yüni próksimo. Thessa Fleming, relashonista publiko, di Digicel Kòrsou a komentá, “Despues di un eksitoso lansamentu di e BlackBerry Z10 smartphone, nos ta kontentu di por ofresé nos usuarionan e BlackBerry Q10 smartphone nobo. E telefon aki por konta ku sosten di e plataforma di BlackBerry, un top-class kámara i un teklado QWERTY, tur esaki ta hasié un telefon fantástiko pa uso personal òf pa negoshi.” E plataforma di BB10 ta rediseñá i reinventá ofresiendo kada usuario un eksperensia úniko i ku kontinuamente lo ta adaptando na kada nesesidat di e usuario. Kada detaye a keda diseñá ku avansenan teknológiko den mente, por menshoná e.o e BlackBerry Hub, e BlackBerry Balance, BBM (BlackBerry Messanger), BlackBerry Remember i hopi mas. Pa mas informashon di e BlackBerry Q10 smartphone por bishitá www.digicelgroup.com