Willemstad – YUNI- 2013; Resientemente CHATA a sera un areglo di penshun kolektivo ku ENNIA pa su empleadonan; e areglo aki a bai na vigor dia 1 di Mart último. Ademas di e AOV regular, awor tur empleado tin un areglo di penshun pa por disfrutá despues.

Curaçao Hospitality and Tourism Association (CHATA) ta e organisashon ku ta representá e indústria di hospitalidat na Kòrsou. CHATA tin un diversidat di miembro ku ta aktivo den diferente sektor. Na 2008, CHATA i ENNIA a kuminsá un laso di trabou na unda ku tur miembro por a hasi uzo di un areglo di penshun ku benefishinan faborabel. Ademas di sera e koperashon di trabou, Sr. Arie Groothuis , asesor di penshun na ENNIA tabata duna direktiva di CHATA konseho riba penshun. Komo resultado di esaki, tur areglo di penshun individual a keda kombèrtí den un areglo kolektivo, ofresiendo CHATA oportunidat di amplia e pakete di benefishinan di tur trahadó. “CHATA ta mira e balor di un bon pakete di penshun pa su personal i ta spera ku tur otro miembro di nos organisashon tuma e ehèmpel”, esaki di akuerdo ku Sra. Dindial, CEO di CHATA.

Riba foto athuntu: Liza Dindial, CEO di CHATA huntu ku Reinald Curiel, Direktor Komersial di ENNIA, Arie Groothuis Senior Accountmanager Pension and Employee Benefits di ENNIA huntu ku algun empleado di CHATA.